سياسات الشراء
سياسة الخصوصية
في MicroSystem («شركة ميكروسيستم للحاسبات») بناخد بس البيانات اللي محتاجينها عشان نجهز طلبك ونوصله ليك.
آخر تحديث:
البيانات اللي بنطلبها
- لما تطلب جهاز: الاسم، رقم الموبايل، المحافظة، العنوان ومنطقة التوصيل.
- الإيميل اختياري. لو كتبته، بنبعتلك عليه رسايل الطلب العادية بس.
- مش بنطلب ولا بنحفظ أي بيانات كروت بنكية.
بنستخدمها في إيه
- عشان نأكد الطلب معاك على الموبايل أو واتساب، ونجهز الاستلام أو التوصيل أو الشحن.
- عشان نرجعلك في الضمان أو الاسترجاع، والفاتورة المختومة بتوثق الضمان.
مين بيشوف البيانات دي
- فريق MicroSystem اللي بيجهز طلبك.
- لو طلبت شحن لمحافظة تانية: شركة الشحن اللي هتوصل الشحنة بتاخد الاسم والموبايل والعنوان، عشان توصلها بس.
- مش بنبيع بياناتك ولا بنديها لحد عشان إعلانات.
الكوكيز والتتبع
- الموقع مش بيستخدم كوكيز إعلانات ولا تتبع.
- بيستخدم بس الكوكيز اللي السلة والطلب محتاجينها عشان يشتغلوا.
- قايمة «قارن» بتتحفظ في المتصفح بتاعك بس، ومش بتوصلنا.
- لو بحثت عن حاجة ومطلعتش نتايج، بنسجل كلمة البحث نفسها بس (من غير اسم ولا أي بيانات عنك)، عشان نعرف الناس بتدور على إيه.
لو عايز تعدل أو تمسح بياناتك
- كلمنا على الموبايل أو واتساب 01022277783، أو تعالى المكتب: 22 شارع الدكتور أحمد أمين، سانت فاتيما، مصر الجديدة، القاهرة · الدور السادس، مكتب 606.